!!Os Populares Sonenses co Noso Lider Tomé!!!

A raíz da difusión por parte do Goberno Municipal actual da Incoación de Dilixencias Previas polo Xulgado de Instrucción de Noia co fin de verificar a legalidade o non dunha subvención no seu día outorgada para un Programa da Terceira Idade en Balnearios, debemos por en coñecemento da opinión pública en xeral o seguinte:

1- Que a citada subvención foi obtida polo Concello de Porto do Son polo trámite legal correspondente e destinada os seus beneficiarios ó Programa Termal dirixido ós veciños da Terceira Idade.

2- Por elo os eiquí presentes non teñen nada que ocultar nin nese nin noutro asunto de incidencia municipal durante o periodo no que estivemos ó frente do Goberno Municipal e daremos tódolos detalles que o efecto nos soliciten dende o Xulgado de Noia que tramita as citadas dilixencias.

3- Que por respeto a dito órgano xudicial non se aportará dato algún en tanto non se atope vixente as correspondentes dilixencias e en ningún caso con anterioridade a por os datos e os feitos en coñecemento da autoridade xudicial.

4- O Grupo de Goberno actual en Porto do Son non ten autoridade moral para dar leccións de legalidade ós membros do Partido Popular por canto algún dos seus membros atópase na actualidade procesado polas sus prácticas por todos coñecidas cando se atopaba ó fronte do Goberno Municipal. Actualmente a Fiscalía coñece asi mesmo de diversos aspectos relacionados coa súa xestión ó longo dos últimos anos, cuxos datos, polos mesmos motivos antes expostos de respeto á autoridade xudicial, polo momento non serán obxeto de difusión pola nosa parte.

Asdo.
Grupo Municipal do Partido Popular de Porto do Son
Porto do Son, 25 de Novembro de 2010

!!QUE DIGAN A VERDADE DUNHA VEZ!!!

D. MANUEL TOMÉ PIÑEIRO, na condición de Voceiro do Grupo Municipal do Partido Popular de Pto. Do Son, e de conformidade co prevenido no artigo 23.1. da Constitución Española; 77 da Lei 7/1985 reguladora das Bases do Réximen Local, e 14 a 16 do Regulamento de Organización, Funcionamento e Réximen Xurídico das Corporacións Locais (ROF 258/86 do 28 de Outubro);



ANTECEDENTES:
Desgraciadamente un novo episodio da DESFEITA URBANÍSTICA volta a facerse realidade no Casco da Vila coa “rehabilitación” da suposta antiga fábrica de salgadura para a conversión en Museo do Mar e Etnográfico do noso Concello.

Esta situación aínda é máis gravosa, xa que o ente promotor do proxecto é o Concello de Porto do Son.

Está claro que o continuismo da desfeita ten un novo significado para este bigoberno igualando o termo Rehabilitación ó de Demolición.

Visto que este Goberno do PSOE e BNG manteñen que o inmoble adquirido polo ente local, albergou a anteriormente mencionada fábrica, e na que os anteriores propietarios afirman que en ningún intre alí existiu tal actividade conserveira, simplemente foi un antigo forno de leña que estivo activo ata mediados dos anos 50 do século pasado.

Tanto o Rexedor Local, D. Pastor Rdrguez., así coma a Tenente de Alcalde, a nacionalista Dna. Ánxela Franco, sempre afirmaron públicamente as orixes do sector da salgadura, e non existe no Expediente de referencia de dito Proxecto, ningún documento que atestigue ou confirme as orixes conserverías de dito inmoble,máxime anunciando que as pías estaban soterradas e coa demolición efectuada nestas datas, ponse de manifesto que esas afirmacións eran totalmente mentira, por todo elo,

SOLICITO:

Copia de documento acreditativo ou ben documentación bibliográfica de referencia ou similar que atestigue ou fundamente que o inmoble que albergará o futuro Museo do Mar e Etnográfico, foi unha antiga fábrica de salgadura.



Porto do Son, 18 de Novembro de 2010


Asdo.

Manuel Tomé Piñeiro
Portavoz Municipal do PPdG de Pto. Do Son

!!!O CONTINUISMO DA DESFEITA !!!

A “REHABILITACIÓN” DO FUTURO MUSEO DO MAR DO SON

Estamos asistindo estes días a un novo episodio da, desgraciadamente coñecida DESFEITA URBANÍSTICA, que nesta ocasión a piqueta levouse por diante unha antiga casa tradicional mariñeira que albergaba un antigo forno de leña.

Este Proxecto de Rehabilitación para o futuro albergue do Museo do Mar e Etnográfico de Porto do Son, representa a Insensibilidade e o Continuismo dunha política urbanística que o PSOE sempre levou a cabo durante os seus mandatos, e agora ten o apoio do BNG coma cómplice de dito escarnio.

No seu momento, o PP de Porto do Son aplaudiu a súa compra co gallo de salvar unha edificación singular do Casco da Vila da piqueta que segue imparable e máxime, coma promotor da mesma, o bigoberno do PSOE e BNG.

Tristemente a historia da edificación do antigo forno, xa forma parte da memoria da arquitectura sonense coma un triste novo episodio de demolición dos valores de edificacións singulares do noso pobo.

A falla a verdade sistemática do Rexedor Pastor Rodríguez así coma a Tenente de Alcalde a Sra. Franco, enunciando e afirmando que este antigo forno foi nun tempo unha presunta fábrica de salgadura e que as pías da mesma atopábanse soterradas.Desgraciadamente o facer a demolición do inmoble, pódese observar que no chan da mesma unicamente hai area e nin unha simple sinal da existencia dalgunha pía.

O PPdG do Son vai seguir coa loita por intentar frenar dalgún xeito con esta “sangría” da memoria arquitectónica do noso Concello, petando en tódalas portas posibles e necesarias para que as administracións superiores se fagan eco e actúen contra esta lacra de intereses inmobiliarias duns cantos.

Esperemos que as nosas denuncias públicas destes “desalmados e insensibles” gobernantes que non amosan ningun remordemento de borrar a memoria e identidade do noso pobo, teñan a súa merecida resposta no momento oportuno.

Manuel Tomé Piñeiro
Portavoz PPdG Pto. Do Son

SOLICITUDE EXPLICACIÓN DA VIAXE A MADRID


Dn. MANUEL TOMÉ PIÑEIRO, en calidade de Voceiro do Grupo Municipal do Partido Popular de Porto do Son, presenta para o seu debate no vindeiro Pleno Ordinario a seguinte solicitude:


EXPOSICIÓN DE MOTIVOS:


Visto que o pasado Pleno Ordinario Mensual do Venres 29 de Outubro de 2010,no que o actual Rexedor sonense D.Xoan Pastor Rodríguez Santamaría ausentouse do máximo órgano corporativo do ente municipal xustificando a Alcaldesa en funcións Dna. Ánxela Franco Pouso que “se atopaba de viaxe por motivos de traballo” sin darnos ,o goberno bipartito sonense do PSOE e BNG outra explicación da mesma.

Coma ben se tratou durante o desenvolvemento do Pleno Ordinario, introduceuse por via de urxencia unha Moción de Apoio a Viabilidade da Planta de Tratamento de Residuos Sólidos Urbanos de Lousame e a Mancomunidade do Barbanza na que dende o Partido Popular de Porto do Son, consideramos convinte presentar unha serie de Enmendas co gallo de fortalecer dita Moción presentada polo Comité de empresa para o seu debate e aprobación.

Tristemente este Goberno PSOE e BNG, volta a amosar o “desgoberno”de criterios que o definen coma ben se demostrou con esta Moción.

Na Reunión de Portavoces previa á celebración do Pleno, onde o PP presentou as Enmendas que no fondo eran pequenas puntualizacións sobre a Moción base a debater, a Alcaldesa en funcións, Dna Ánxela Franco anunciou que o BNG do que ela é a Portavoz, ía votar a favor da introdución das mesmas no Pleno.

No debate da Moción no Pleno, a actual Concelleira de Medio Ambiente Dna. Carmen Varela Donoso, que exerceu a defensa de dita Moción, indicou que dende o BNG non ían apoiar ditas Enmendas porque, según eles”,non tiñan sentido introducilas xa que se “entendían que xa estaban recollidas”.

Paradoxas da vida, que na Quinta Enmenda presentada polos Populares decía:“Pedir a Intermediación do Ministerio de Medio Ambiente, Rural e Marino, así coma a Xunta de Galicia para que, na medida do posible, mellorar o sistema que efectúa Ecoembes en Galicia.”

A Sra. Varela Donoso xustificaba neste apartado, que “había que evitar meter outros Organismos neste tema porque xa eran suficientes os que había”.

A nosa sorpresa é “Maiúscula”, cando nos enteramos polos medios de información a visita que o Rexedor fixo á Sede do Ministerio de Medio Ambiente, Medio Rural e Marino acompañado polo Rexedor noiés, que según parece, foron a negociar con funcionarios de dito Ministerio para mediar ante a sociedade Ecoembes polo problema existente.(Voz de Galicia,31 de Outubro de 2010).


Visto que este Bigoberno, coma ben o anunciamos reiteradamente, componse de dous criterios e as súas contradiccións manifestas públicamente amósannos que cada Partido que o compón, “vai según lle veña a ben posicionarse”, ante tal situación e non véndose un criterio claro e único do goberno do PSOE e BNG,


SOLICITAMOS:

1-No vindeiro Pleno Ordinario se engada un Punto específico no que o Alcalde da Corporación explique ás xestións realizadas na viaxe realizada a Madrid o pasado Venres 29 de Outubro de 2010.

2-Posibilidade de dous turnos de intervencións a tódolos Portavoces representados no Pleno da Corporación para o seu debate e explicacións oportunas.

PORTO DO SON, 2 DE NOVEMBRO DE 2010

Asdo
MANUEL TOMÉ PIÑEIRO
Portavoz do PPdG Pto. Do Son

!!OS POPULARES SONENSES COS TRABALLADORES DE SERVIA!!!

Enmendas que o Partido Popular de Porto do Son presenta á Moción de Apoio á Planta Comarcal de Reciclaxe de Residuos Sólidos Urbáns e Asimilables de Servia (Lousame).
ACORDOS:

1-Apoio Incondicional ó mantemento dos Postos de Traballo dos Traballadores e Traballadoras da Planta de Servia.

2-Manifestamos o firme Compromiso deste Concello có sistema de recollida, tratamento e xestión dos Residuos Sólidos Urbáns de Lousame e a Mancomunidade Serra do Barbanza.


3-Apoiar e respaldar todas ás iniciativas e plans aprobados pola Mancomunidade de Concellos Serra do Barbanza, encamiñados a garantir o pago da débeda contraída coa empresa concesionaria do servizo nos prazos establecidos pola Mancomunidade.


4-Adecuar os Orzamentos deste Concello para o ano 2011 para garantir o cumplimento do pagamento mensual do canon do lixo.


5-Pedir a Intermediación do Ministerio de Medio Ambiente, Rural e Marino así coma a Xunta de Galicia para que, na medida do posible, mellorar o sistema que efectúa Ecoembes en Galicia.


6-Instar ó Concello de Porto do Son que cumpla a Lei de Morosidade coas Cotas Ordinarias que se xeren e que se atopan fóra do Plan de Pagos aprobada pola Mancomunidade.




PORTO DO SON, 28 DE OUTUBRO DE 2010

Asdo.
MANUEL TOMÉ PIÑEIRO
Portavoz do PPdG Pto. Do Son