!!QUE DIGAN A VERDADE DUNHA VEZ!!!

D. MANUEL TOMÉ PIÑEIRO, na condición de Voceiro do Grupo Municipal do Partido Popular de Pto. Do Son, e de conformidade co prevenido no artigo 23.1. da Constitución Española; 77 da Lei 7/1985 reguladora das Bases do Réximen Local, e 14 a 16 do Regulamento de Organización, Funcionamento e Réximen Xurídico das Corporacións Locais (ROF 258/86 do 28 de Outubro);



ANTECEDENTES:
Desgraciadamente un novo episodio da DESFEITA URBANÍSTICA volta a facerse realidade no Casco da Vila coa “rehabilitación” da suposta antiga fábrica de salgadura para a conversión en Museo do Mar e Etnográfico do noso Concello.

Esta situación aínda é máis gravosa, xa que o ente promotor do proxecto é o Concello de Porto do Son.

Está claro que o continuismo da desfeita ten un novo significado para este bigoberno igualando o termo Rehabilitación ó de Demolición.

Visto que este Goberno do PSOE e BNG manteñen que o inmoble adquirido polo ente local, albergou a anteriormente mencionada fábrica, e na que os anteriores propietarios afirman que en ningún intre alí existiu tal actividade conserveira, simplemente foi un antigo forno de leña que estivo activo ata mediados dos anos 50 do século pasado.

Tanto o Rexedor Local, D. Pastor Rdrguez., así coma a Tenente de Alcalde, a nacionalista Dna. Ánxela Franco, sempre afirmaron públicamente as orixes do sector da salgadura, e non existe no Expediente de referencia de dito Proxecto, ningún documento que atestigue ou confirme as orixes conserverías de dito inmoble,máxime anunciando que as pías estaban soterradas e coa demolición efectuada nestas datas, ponse de manifesto que esas afirmacións eran totalmente mentira, por todo elo,

SOLICITO:

Copia de documento acreditativo ou ben documentación bibliográfica de referencia ou similar que atestigue ou fundamente que o inmoble que albergará o futuro Museo do Mar e Etnográfico, foi unha antiga fábrica de salgadura.



Porto do Son, 18 de Novembro de 2010


Asdo.

Manuel Tomé Piñeiro
Portavoz Municipal do PPdG de Pto. Do Son

!!!O CONTINUISMO DA DESFEITA !!!

A “REHABILITACIÓN” DO FUTURO MUSEO DO MAR DO SON

Estamos asistindo estes días a un novo episodio da, desgraciadamente coñecida DESFEITA URBANÍSTICA, que nesta ocasión a piqueta levouse por diante unha antiga casa tradicional mariñeira que albergaba un antigo forno de leña.

Este Proxecto de Rehabilitación para o futuro albergue do Museo do Mar e Etnográfico de Porto do Son, representa a Insensibilidade e o Continuismo dunha política urbanística que o PSOE sempre levou a cabo durante os seus mandatos, e agora ten o apoio do BNG coma cómplice de dito escarnio.

No seu momento, o PP de Porto do Son aplaudiu a súa compra co gallo de salvar unha edificación singular do Casco da Vila da piqueta que segue imparable e máxime, coma promotor da mesma, o bigoberno do PSOE e BNG.

Tristemente a historia da edificación do antigo forno, xa forma parte da memoria da arquitectura sonense coma un triste novo episodio de demolición dos valores de edificacións singulares do noso pobo.

A falla a verdade sistemática do Rexedor Pastor Rodríguez así coma a Tenente de Alcalde a Sra. Franco, enunciando e afirmando que este antigo forno foi nun tempo unha presunta fábrica de salgadura e que as pías da mesma atopábanse soterradas.Desgraciadamente o facer a demolición do inmoble, pódese observar que no chan da mesma unicamente hai area e nin unha simple sinal da existencia dalgunha pía.

O PPdG do Son vai seguir coa loita por intentar frenar dalgún xeito con esta “sangría” da memoria arquitectónica do noso Concello, petando en tódalas portas posibles e necesarias para que as administracións superiores se fagan eco e actúen contra esta lacra de intereses inmobiliarias duns cantos.

Esperemos que as nosas denuncias públicas destes “desalmados e insensibles” gobernantes que non amosan ningun remordemento de borrar a memoria e identidade do noso pobo, teñan a súa merecida resposta no momento oportuno.

Manuel Tomé Piñeiro
Portavoz PPdG Pto. Do Son

SOLICITUDE EXPLICACIÓN DA VIAXE A MADRID


Dn. MANUEL TOMÉ PIÑEIRO, en calidade de Voceiro do Grupo Municipal do Partido Popular de Porto do Son, presenta para o seu debate no vindeiro Pleno Ordinario a seguinte solicitude:


EXPOSICIÓN DE MOTIVOS:


Visto que o pasado Pleno Ordinario Mensual do Venres 29 de Outubro de 2010,no que o actual Rexedor sonense D.Xoan Pastor Rodríguez Santamaría ausentouse do máximo órgano corporativo do ente municipal xustificando a Alcaldesa en funcións Dna. Ánxela Franco Pouso que “se atopaba de viaxe por motivos de traballo” sin darnos ,o goberno bipartito sonense do PSOE e BNG outra explicación da mesma.

Coma ben se tratou durante o desenvolvemento do Pleno Ordinario, introduceuse por via de urxencia unha Moción de Apoio a Viabilidade da Planta de Tratamento de Residuos Sólidos Urbanos de Lousame e a Mancomunidade do Barbanza na que dende o Partido Popular de Porto do Son, consideramos convinte presentar unha serie de Enmendas co gallo de fortalecer dita Moción presentada polo Comité de empresa para o seu debate e aprobación.

Tristemente este Goberno PSOE e BNG, volta a amosar o “desgoberno”de criterios que o definen coma ben se demostrou con esta Moción.

Na Reunión de Portavoces previa á celebración do Pleno, onde o PP presentou as Enmendas que no fondo eran pequenas puntualizacións sobre a Moción base a debater, a Alcaldesa en funcións, Dna Ánxela Franco anunciou que o BNG do que ela é a Portavoz, ía votar a favor da introdución das mesmas no Pleno.

No debate da Moción no Pleno, a actual Concelleira de Medio Ambiente Dna. Carmen Varela Donoso, que exerceu a defensa de dita Moción, indicou que dende o BNG non ían apoiar ditas Enmendas porque, según eles”,non tiñan sentido introducilas xa que se “entendían que xa estaban recollidas”.

Paradoxas da vida, que na Quinta Enmenda presentada polos Populares decía:“Pedir a Intermediación do Ministerio de Medio Ambiente, Rural e Marino, así coma a Xunta de Galicia para que, na medida do posible, mellorar o sistema que efectúa Ecoembes en Galicia.”

A Sra. Varela Donoso xustificaba neste apartado, que “había que evitar meter outros Organismos neste tema porque xa eran suficientes os que había”.

A nosa sorpresa é “Maiúscula”, cando nos enteramos polos medios de información a visita que o Rexedor fixo á Sede do Ministerio de Medio Ambiente, Medio Rural e Marino acompañado polo Rexedor noiés, que según parece, foron a negociar con funcionarios de dito Ministerio para mediar ante a sociedade Ecoembes polo problema existente.(Voz de Galicia,31 de Outubro de 2010).


Visto que este Bigoberno, coma ben o anunciamos reiteradamente, componse de dous criterios e as súas contradiccións manifestas públicamente amósannos que cada Partido que o compón, “vai según lle veña a ben posicionarse”, ante tal situación e non véndose un criterio claro e único do goberno do PSOE e BNG,


SOLICITAMOS:

1-No vindeiro Pleno Ordinario se engada un Punto específico no que o Alcalde da Corporación explique ás xestións realizadas na viaxe realizada a Madrid o pasado Venres 29 de Outubro de 2010.

2-Posibilidade de dous turnos de intervencións a tódolos Portavoces representados no Pleno da Corporación para o seu debate e explicacións oportunas.

PORTO DO SON, 2 DE NOVEMBRO DE 2010

Asdo
MANUEL TOMÉ PIÑEIRO
Portavoz do PPdG Pto. Do Son

!!OS POPULARES SONENSES COS TRABALLADORES DE SERVIA!!!

Enmendas que o Partido Popular de Porto do Son presenta á Moción de Apoio á Planta Comarcal de Reciclaxe de Residuos Sólidos Urbáns e Asimilables de Servia (Lousame).
ACORDOS:

1-Apoio Incondicional ó mantemento dos Postos de Traballo dos Traballadores e Traballadoras da Planta de Servia.

2-Manifestamos o firme Compromiso deste Concello có sistema de recollida, tratamento e xestión dos Residuos Sólidos Urbáns de Lousame e a Mancomunidade Serra do Barbanza.


3-Apoiar e respaldar todas ás iniciativas e plans aprobados pola Mancomunidade de Concellos Serra do Barbanza, encamiñados a garantir o pago da débeda contraída coa empresa concesionaria do servizo nos prazos establecidos pola Mancomunidade.


4-Adecuar os Orzamentos deste Concello para o ano 2011 para garantir o cumplimento do pagamento mensual do canon do lixo.


5-Pedir a Intermediación do Ministerio de Medio Ambiente, Rural e Marino así coma a Xunta de Galicia para que, na medida do posible, mellorar o sistema que efectúa Ecoembes en Galicia.


6-Instar ó Concello de Porto do Son que cumpla a Lei de Morosidade coas Cotas Ordinarias que se xeren e que se atopan fóra do Plan de Pagos aprobada pola Mancomunidade.




PORTO DO SON, 28 DE OUTUBRO DE 2010

Asdo.
MANUEL TOMÉ PIÑEIRO
Portavoz do PPdG Pto. Do Son

!!Un Porto Á Última!!

Os Populares Sonenses solicitan a inclusión da Zona Portuaria no Plan Piloto de Eficiencia Enerxética.

* O CONVENIO ASINADO ENTRE O INEGA E PORTOS DE GALICIA VAI ORIENTADO A MELLORA DA EFICIENCIA ENERXÉTICA NAS INSTALACIÓNS PORTUARIAS.

* O PP SONENSE SOLICITA QUE SE INCLUA COMA SUXERENCIA ADICCIONAL NA REDACCIÓN DO PROXECTO DE REFORMA DA FACHADA MARÍTIMA DO CASCO DA VILA..

Porto do Son, 20 de Octubro de 2010

O Portavoz Municipal do Partido Popular, Manuel Tomé Piñeiro, ven de solicitarlle ós técnicos encargados da Redacción do Proxecto da Reforma da Fachada Marítima da Vila, a inclusión na mesma do Plan Piloto de desenvolvemento para a mellora da Eficiencia Enerxética que foi asinado entre o Ente Público Portos de Galicia e o Instituto Enerxético de Galicia(INEGA).
Este Convenio establece entre outras actuacións, a instalación de puntos de recarga para vehículos eléctricos así coma instalacións de plantas de cogeneración e trigeneración complementada coa instalación de paneis nas cubertas das instalacións existentes dentro do ámbito de delimitación portuario.

O Portavoz Municipal plantexa desta forma, a ampliación das suxerencias que os conservadores locais plantexaron coma formación política ó Ente Público de Portos co gallo de aunar tódalas demandas que os distintos colectivos quedaron de enviar.

Hai que lembrar que a reunión mantida por parte das Entidades usuarias do ámbito, xunto ós Portavoces dos Partidos representados no Pleno da Corporación, acordouse enviar ás suxerencias e propostas a Portos co gallo do seu estudo e consideración oportuna para o seu desenvolvemento.

Visto que o Ente Público Portos de Galicia estableceu entre as súas estratexias a mellora da eficiencia enerxética nos Portos da costa galega, os Populares presentan coma suxerencias complementarias ó Borrador do Proxecto de Reforma, o estudo e viabilidade como Porto Piloto para desenvolver o Convenio anteriormente citado.
Con esta Proposta quérese plantexar un proxecto, coma ben indicou o Presidente de Portos de Galicia, Sr. Alvarez Campana coma “un referente na Ría de Muros-Noia” e con visión de futuro.

Dende o PP Sonense, visto que este Bigoberno xa ten demostrado sistemáticamente a súa Incapacidade para plantexar Proxectos e Propostas de futuro para o noso Concello, seguiremos traballando a reo co gallo de que Porto do Son comence a senda dun mellor futuro do que o PSOE e BNG non son capaces a dar resposta.


SAÚDOS
GABINETE COMUNICACIÓN PPdG Pto. DO SON

!!A Doble Vara de Medir!!!

Os Populares critican a “demagoxia política” do Bipartito Sonense respecto ó Plan Especial do Castro de Baroña.

* AS DECLARACIÓNS DO REXEDOR LOCAL VOLTAN AMOSAR O DESCOÑECEMENTO QUE TEN SOBRE DIVERSOS TEMAS.

* GRACIAS Á PREOCUPACIÓN DO PP SONENSE POLO TEMA,VÓLTASE A RETOMAR A NECESIDADE IMPERIOSA DA PROTECCIÓN DO PATRIMONIO ARQUEOLÓXICO MUNICIPAL.

Porto do Son, 16 de Octubro de 2010


O Partido Popular Sonense non sae do seu asomo sistemático que o actual Goberno do PSOE e BNG demostra cos feitos que abandeiran usando distinta vara de medir que utilizan na actualidade e que non é a mesma que cando estaban na oposición.
Agora intentan saír coma os “salvadores” do Castro de Baroña, pero tiveron que ser outros os que deran a voz de alarma sobre a urxente necesidade de protexer este referente no noso Concello.

O 30 de Outubro de 2009, o Goberno Municipal Sonense do Partido Popular, levou a Pleno a Proposta para Aprobación do Plan Especial do Castro de Baroña. Os que agora están sentados no sillón da Alcaldía e van de “abandeirados”e grandes defensores dos veciños, votaron en contra dese Plan alegando que se tiña que falar e negociar con todos os veciños afectados en dito ámbito do Plan, e que mentres non se fixese, non o aprobarían.. Paradoxas que ten a vida, fai uns días que o actual Concelleiro de Cultura, o Sr. Quintáns Vila, vanagloriábase de ter arranxado o tema porque chegou a acordo cun único veciño.

Dende o Partido Popular Sonense, gustaríanos saber se é que agora ó equipo de goberno non lle interesa xa falar co resto dos veciños afectados que antes tanto reclamaban dende a oposición.
Unha vez máis, voltan a amosar que o único que os move é o seu propio interese e non o interese xeral de tódoslos veciños deste Concello.

O que temos claro que con esta negociación personalizada e individualista, estase directamente facendo unha discriminación ó resto de veciños propietarios dentro do ámbito no que non se negociou ningún tipo de contraprestación, máxime que tódos teñen a mesma afección e dereito.

Os conservadores sonenses temos claro en seguir defendendo na urxente necesidade de protexer o Castro de Baroña, da mesma maneira que o fixemos mentres estivemos no Goberno, e agora na Oposición e non facendo cambios de posicionamento según interese o momento.

O que demostraron as declaracións efectuadas en diversos medios, tanto polo ex alcalde e Concelleiro de Cultura Sr. Quintáns Vila, así coma polo actual rexedor Pastor Rodriguez,indican ás claras que o Sr. Quintáns segue manexando o seu antoxo e tomando as decisións que él considera sen que a máxima autoridade local teña coñecemento da situación en que se atopan ditas negociacións.

Dende o Partido Popular sorpréndenos a acelerada solución acadada polo Sr. Quintáns despois, según él, de levar dende o ano 1999 negociando e non tomando decisións de intereses xerais por riba de intereses particulares.

O PP sonense vai solicitar Copia do presunto acordo de permuta acadado cun dos veciños afectados o igual que un Informe técnico de tasación dos terreos permutados nos que os terreos do Concello teñan unha equitativa valoración na permuta indicada.

SAÚDOS
GABINETE COMUNICACIÓN PPdG Pto. DO SON

!!Salvemos o Castro de Baroña!!!

TOMÉ INSTA O GOBERNO DO PSOE E BNG A APROBACIÓN DO PLAN ESPECIAL DO CASTRO DE BAROÑA.

* UN INFORME DOS EXPERTOS ALERTAN DA GRAVE SITUACIÓN NO QUE SE ATOPA O VESTIXIO CELTA.

*O PLAN REDACTADO DURANTE O GOBERNO POPULAR, CONQUERIU TÓDALAS AUTORIZACIÓNS NECESARIAS.

*ESTA FIGURA URBANÍSTICA É NECESARIA E IMPRESCINDIBLE PARA REDACTAR O FUTURO PLAN DIRECTOR.



Porto do Son, 11de Outubro de 2010

O Portavoz sonense do Partido Popular Manuel Tomé Piñeiro, insta o goberno bipartito do PSOE e BNG a que o Plan Especial do Castro de Baroña, sexa levado ó vindeiro Pleno Ordinario para a súa aprobación.

Hai que lembrar que a Redacción de dito Plan Especial foi cofinanciado polo Goberno Popular Sonense xunto á Consellería de Cultura tendo un coste de trinta mil euros.

Dada a voz de alarma que distintos expertos na materia están a amosar por mor do rápido e progresivo deterioro que está a sufrir o vestixio, fai que o tempo sexa un instrumento prioritario en canto ás primeiras actuacións de emerxencia a levar a cabo.

Esta iniciativa foi levada a Pleno para a súa aprobación no derradeiro Pleno Ordinario do mes de Outubro 09 presidido por Manuel Tomé , no que foi rexeitado polos Grupos que agora forman parte do Goberno Municipal xustificando que non se chegara a acordos cos afectados no ámbito da actuación.


Distintas agresións sufridas polo vestixio durante os dóus últimos anos, ben sexa, a construcción de milladoiros dentro do castro, as acampadas ilegais, visitas descontroladas, vasoira que deixan os visitantes dentro da mesma, etc…fan que xa non se poida esperar máis en escomenzar a actuar no ben para intentar na medida do posible minimizar os impactos e afeccións.

A aprobación de dito Plan Especial, que en esencia significa unha ordenación urbanística do ámbito, non supón en ningún caso ningunha expropiación ou similares dentro da delimitación.

Esta aprobación é o paso previo necesario para empezar a redactar o Plan Director do Castro, que vai supor ás delimitacións e usos o igual que as actuacións en distintas fases a levar a cabo para protexer o ben.

Dende o Partido Popular Sonense visto que este Goberno do PSOE e BNG segue deixando durmir no caixón da Alcaldía dito Plan, vémonos, ante a falla de sensibilidade que amosa este goberno bipartito polo patrimonio etnográfico municipal, a instar a que se leve a Pleno dita iniciativa ou no seu defecto o PP vai presentar unha Moción con carácter de urxencia para que a “desfeita do patrimonio etnográfico municipal” non siga a pasos axigantados deteriorándose o maior vestixio e icono turístico do noso Concello.


SAÚDOS
GABINETE COMUNICACIÓN PPdG Pto. DO SON