A interese polas empresas Locais

NOTA DE PRENSA Porto do Son



O PARTIDO POPULAR DE PORTO DO SON CRITICA A NON INVITACIÓN ÁS EMPRESAS LOCAIS O FEIL 2010.

*SOAMENTE UNHA EMPRESA LOCAL FOI INVITADA A OFERTAR A SÚA PROPOSTA.
*O GOBERNO DO PSOE E BNG DECLINOU INVITAR A EMPRESAS LOCAIS QUE SE OFRECERON.


Porto do Son, 4 de Maio de 2010

O PPdG de Porto do Son non sae das contínuas sorpresas que o goberno bipartito do PSOE e BNG realiza dos intereses xerais do Concello.

Coma é ben sabido, a crise económica que está azoutando gravemente á sociedade española e a sonense en concreto, fan que toda iniciativa que axude ás pequenas e medianas empresas locais para amortiguar a falla de novas contratacións que están a sufrir, sexa ben agradecida polas empresas do noso Concello.

No Primeiro Plan do Fondo Estatal de Inversión Local (FEIL 2009), o Goberno Municipal Sonense presidido polo Partido Popular, puxo coma prioridade incentivar o estímulo productivo e económico local invitando, na medida das posibilidades, ás empresas locais interesadas en traballar para a Administración Local.

É de recordar que nese Fondo Estatal 2009 foron invitadas tódalas empresas locais que o desexasen ,conquerindo que das 14 obras seleccionadas por procedemento negociado, o 71% das mesmas foron adxudicadas a pequenas e medianas empresas locais, representando 10 das 14 obras executadas.




Desgraciadamente co novo Plan E 2010, podemos observar que o goberno municipal do PSOE e BNG de Pto. Do Son, soamente invitou, a traveso de procedemento negociado, a unha única empresa local.
O máis indignante é que pequenas e medianas empresas locais interesadas en presentarse a algunha das 7 actuacións a desenvolver dentro do FEIL 2010, non se lle haxa siquera invitado a ofertar a súa proposta.

Dende o PPdG de Porto do Son, temos claro que iste é outro exemplo máis de desprezo e pouco interese por estimular o tecido productivo do noso Concello, máxime cando agora ás pequenas e medianas empresas locais atópanse nun proceso de estancamento e paralise de demandas de obras e actuacións.



SAÚDOS
GABINETE COMUNICACIÓN PPdG Pto. DO SON