Reunión Alcalde co Dir. Xral. Patrimonio

NOTA DE PRENSA Porto do Son



O PP CALIFICA DE “MENTIROSO” Ó ALCALDE SONENSE RESPECTO A REUNIÓN CO DIRECTOR XRAL DE PATRIMONIO.

*Os técnicos comunicaronlle a existencia nalquel intre dun compromiso de 700000€ condicionado a aprobación do Plan Especial.

*O incumplimento do PSOE e BNG fixeron que se perdera dita cantidade.


Porto do Son, 26 de Maio de 2010

Segundo os medios de comunicación, o actual alcalde sonense,o socialista Xoán Pastor Rodriguez, entrevistouse o pasado martes 25 do presente co Director Xral. De Patrimonio José Manuel Rey Pichel. En dita reunión estiveron presentes técnicos do ente autonómico co gallo de explicarlle a proposta que dende o ente autonómico plantexan para o futuro desenrolo do Castro de Baroña.

Hai que recordar que no goberno presidido por Manuel Tomé, levouse a cabo a redacción do “ Plan Especial do Castro de Baroña” como primeiro instrumento urbanístico para desenvolver a futura dinamización do xacemento celta coa construcción no seu entorno do futuro Centro de Interpretación do Castro de Baroña.

O governo conservador sonense, levou o Pleno Ordinario Mensual de Outubro de 2009 a Proposta de Aprobación de dito Plan Especial que foi votada en contra polo PSOE e o BNG xustificando que había que negociar con tódolos propietarios afectados do ámbito de actuación.

Debemos recordar que o alcalde nese intre, Manuel Tomé Piñeiro, tiña un compromiso por parte do actual Director Xral. Patrimonio dun financiamento de 700000€ para a construcción de dito Centro de Interpretación condicionada a tres compromisos:

1) Aprobación do Plan Especial do Castro de Baroña.
2)Por a dispor da Xunta dos terreos para a execución de dito Centro de Interpretación.
3)Presentar un Anteproxecto do Centro de Interpretación.
Istes tres compromisos tiñan como data límite finais do ano 2009.

Coma ben se indicou no Pleno antes mencionado, informouse que se perderían os cartos asignados para dita actuación coma así ocurriu o rexeitarse de partida o primeiro compromiso.

Visto a “falta a verdade” que o Sr. Rodriguez anunciou nos medios,o anteriormente exposto pode ser corroborado por testemuñas presentes en dita reunión, que casualmente o pasado martes 25 do presente, estiveron presentes xunto o edil socialista na audiencia.

Igualmente dende o PPdG Pto. Do Son, debemos indicar que a Dirección Xral de Patrimonio anuncioulle o Sr. Alcalde o inminente comenzo dunhas actuacións por parte do ente autonómico, que xa foran comprometidas co alcalde conservador en Outubro de 2009, consistentes na “Limpeza, Acondicionamento e Levantamento Topográfico do Castro de Baroña”.



SAÚDOS
GABINETE COMUNICACIÓN PPdG Pto. DO SON